Kanë kaluar më shumë se dy dekada që kur firma Kaleshi @ shpk, me seli në Përmet, qytetin e luleve, nisi rrugëtimin e saj. Në ato vite të trishtë, kur njerëzit kishin nevojë për bukë e ujë, kur uria për bukë, ujë e liri ishte jetike, të merreshe me lulet ishte një aventurë. Dhe aventura nisi. Me shpresë si nguti për të kapur një ëndërr që vinte nga Qyteti i Luleve, që vinte nga parvazi i ballkonit të çdo amvise shqiptare, në të cilat nuk mungonin ato poçe balte me ngjyrë të kuqerremtë, të mbjella me lule që i jepnin jetë jetës së shqiptarëve, i jepnin dritë dhe gëzim trishtimit të jetës.

Kaleshi @ shpk fillimisht ishte si një farë e ndrojtur e hedhur në një tokë të tharrë. Me durim, me durim e punë, me durim, punë dhe dashuri, ajo çeli sythet e para, u rrit dhe u shumua dhe pak nga pak “u mboll” pothuaj në të gjithë Shqipërinë, duke u bërë sot, firma lider në kultivimin, tregtimin dhe importimin me shumicë e pakicë të luleve, pemëve dekorative dhe aksesorëve të tjerë që e bëjnë jetën më të gjelbër, që e çojnë jetën më pranë natyrës. Puna jonë fillon këtu, por nuk mbaron këtu, sepse i afrojmë klientëve edhe shërbimin e vazhdueshëm dhe të përhershëm për çfarë porosisin tek ne. Në një marrëdhënie besimi reciprok, shërbese dhe miqësie. Sepse motoja jonë është: “Pranverë në çdo stinë”!
Edhe në vitin e mbrapshtë 97’, atëherë kur armët dolën në rrugë dhe marrëzia u bë mbret i rrugëve të Shqipërisë, Kaleshi @ shpk e vazhdoi aktivitetin e tij me lule. Shumë nga buqetat që qytetarë që kërkonin paqe i hidhnin mbi mjetet e blinduara, vinin nga firma jonë. Nga lindja deri në vdekje, në maternitete ku dëgjohet e qara e parë e foshnjave e deri në varreza ku përcillen të ndjerët në amëshim, në dasma e gëzime, në këngë e në vaj, Kaleshi @ shpk u bë bashkëudhëtar i qytetarëve me lule që gëzojnë dhe lule që ngushëllojnë. Dy dekada më pas, firma Kaleshi @ shpk, është shndërruar në furnizuesin e parë dhe kryesor në vend për tregtarët e shumicës dhe pakicës në vend duke qenë kështu, e pranishme në pothuaj çdo shtëpi shqiptare.

Janë me dhjetra institucionet qëndrore dhe lokale që kanë bashkëpunuar dhe kanë besuar tek Kaleshi @ shpk. Lulet dhe pemët e kultivuara nga Kaleshi @ shpk i gjen në ambientet e institucionit të Presidentit të Republikës, në ministrinë e Brendshme, në ministrinë e Punëve Publike dhe Transporteve, në ministrinë e Mjedisit. Në Televizionet TV Klan, Ora News, Vizion Plus, Kaleshi @ shpk ka lënë gjurmën e tij të blertë. Drejtoria e Përgjithshme e Tatimeve dhe Taksave, Drejtoria e Parandalimit e Pastrimit të Parave të Pista, Qendra e Prodhimit të kartave të Identitetit, Qendra e Azilantëve, Qendra e Viktimave të Trafikut, janë gjithashtu disa nga projektet e ideuara dhe të zbatuara nga firma jonë.

Një numër jashtëzakonisht i madh biznesesh private kanë bashkëpunuar gjithashtu me Kaleshi @ shpk, kompani si Salillari, Neranxi e Besi, kanë besuar tek ne. Me qindra vila banimi, lokale, hotele dhe ambiente të tjera, në çdo skaj të Shqipërisë, janë gjelbëruar nga Kaleshi @ shpk ndër vite duke krijuar një marrëdhënie besimi reciprok. Në konkurset e bukurisë, në shfaqje teatrore, në koncerte, Kaleshi @ shpk ka afruar ngjyra dhe aroma. Do ta gjeni gjurmën e Kaleshi @ shpk edhe në Universitetin Evropian të Tiranës, në Universitetin Kristal, rezidencën dhe kampusin e tij, Universitetin Polis, Fakultetin Ekonomik; do ta gjeni në një numër shkollash dhe kopshtesh;

Dhe ky, edhe mbas dy dekadash aktivitet, është sërish vetëm fillimi sepse Kaleshi @ shpk vazhdon të punojë me të njëjtin pasion dhe dashuri si në fillim të veprimtarisë së tij me moton: “Pranverë në çdo stinë”! Kaleshi @ shpk është sponsorizuesi i ekipit të futbollit të Përmetit që nga viti 2000 dhe ka hapur televizionin lokal TV Përmeti.